நல்லதும் கெட்டதும் தீயதும்

நல்லதும் கெட்டதும் தீயதும்

"அரிய சாதனைகளைச் செய்துவிட்டு கெட்ட பேர் வாங்கியவர்கள், ஒதுக்கப்பட்டவர்கள் என்றதும் முதலில் ஞாபகத்துக்கு வருகிறவர்கள் ஜெனரல் பேட்டன், ஜெனரல் மெக்கார்தர், ·பீல்ட் மார்ஷல் ரோம்மெல், ஹேரி ட்ரூமன், வின்ஸ்டன் சர்ச்சில் முதலியோர். 
செய்யவேண்டிய கந்தரகோலத்தையெல்லாம் செய்து விட்டு நல்ல பேர் வாங்குபவர்களும் இருக்கிறார்கள் - கென்னடிபோல. அந்தக் கந்தர கோலத்தால் கெட்டபேர் வாங்கிக் கட்டிக் கொள்பவர்களும் இருக்கிறார்கள் - நிக்ஸனைப் போல.


இது ஒரு புதுமையான டாப்பிக்.
உள்ளுக்குள் சென்றுதான் பார்ப்போமே?" 
இது ஒரு Intriguing subject. முடிந்தவர்கள் அந்தச் சொற்களைத் தமிழாக்கம் செய்து கொள்ளுங்கள்.
ஜெனரல் ஜார்ஜ் பேட்டன்(George Patton) என்பவர் யூஎஸ்ஸின் வரலாற்றிலேயே மிகச் சிறந்த தளபதிகளில் ஒருவர்.

வட ஆ·ப்ரிக்காவில் ஜெர்மன் தளபதி ஃபீல்ட் மார்ஷல் எர்வின் ரோம்மெல்லிடம்(Erwin Rommel) தோற்றுக் கொண்டிருந்த ஆங்கிலோ அமெரிக்கப் படைகளை வெற்றி யடையச் செய்தவர். 

        சிசிலித் தீவிலும் அமெரிக்கர்களைப் பெரிய வெற்றியை அடையச்செய்தவர். அதன் தலைநகரமாகிய மெஸினாவை ஆங்கிலத் தளபதி மாண்ட்கோமரியையும் முந்திக்கொண்டு கைப்பற்றியவர். 

அதன் பிறகு 1944-ஆம் ஆண்டு ஜூன் மாதம் 6-ஆம் தேதி, ஆப்பரேஷன் ஓவர்லார்ட் என்னும் பெரிய படையெடுப்பு நாட்ஸி ஜெர்மனியின் ஆட்சியில் இருந்த ஐரோப்பாவின்மீது நிகழ்ந்தது. 
இங்கிலாந்திலிருந்து ஆங்கிலோ-அமெரிக்க-கனேடிய-·பிரெஞ்ச்சுப் படைகள் 5000 கப்பல்களின் மூலம் நாட்ஸி ஜெர்மனியின் கையில் இருந்த ·பிரான்ஸில் கரையிறங்கின. 
ஆனால் அந்தப் படையெடுப்பில் பேட்டன் இல்லை. ஒரு போலியான படைக்குத் தலைமையேற்று இங்கிலாந்தில் இருத்திக் கொள்ளப்பட்டார். காரணம் சிசிலியில் நடந்ததை வைத்து வெறுப்புற்ற மாண்ட்கோமரி தம்முடைய செல்வாக்கைப் பயன்படுத்தி, பேட்டனைப் போரிலிருந்து நீக்கப்படச் செய்தார்.
கரையிறங்கிய ஆங்கிலோ அமெரிக்கப்படைகள் முன்னேறமுடியாமல் தவித்தன. 
       அப்போது பேட்டனை அழைத்து அவரிடம் அமெரிக்க மூன்றாம் படையை ஒப்படைத்துப் போருக்குள் ஈடுபடச் செய்தனர்.  
மிக விரைவில் ஜெர்மன் அரணை உடைத்துக்கொண்டு வெகு வேகமாக பேட்டன் முன்னேறினார். 
முதன்முறையாக லட்சக்கணக்கான ஜெர்மன் போராளிகள் கைதிகளானார்கள். இன்னும் பல்லாயிரக்கணக்கானவர்கள் இறந்துபோயினர். ஆயிரக்கணக்கானவர்கள் பின்வாங்கி, தப்பிச்சென்றனர். பல்லாயிரக் கணக்கான தளவாடங்களை விட்டுச்சென்றனர். 
விரைவில் பிரான்ஸ் விடுவிக்கப்பட்டது.
ஆனாலும் ஒரு கட்டத்தில் பிரிட்டிஷ்/அமெரிக்கப் படைகள் தோல்வி யடையக் கூடிய நிலையில் இருந்தன. பேட்டன் தம்முடைய திறமையான படை நடத்துதலால் Battle Of The Bulge என்னும் முக்கிய போரில் ஜெர்மானியரைத் தோற்கடித்து, தாம் வெற்றி பெற்று, ஆங்கிலோ- அமெரிக்கப் படையினரைக் காப்பாற்றினார்.
ஜெர்மனியின் எல்லையாக விளங்கிய ரைன் நதியை அவரும் அவருடைய படையினரும் அடைந்தனர். 
மாண்ட்கோமரி பின் தங்கியிருந்தார்.

ஆனால் ஜெர்மனிக்குள் தாமே முதலில் நுழையவேண்டும் என்றும் தாம் நுழைந்த பின்னரே பேட்டன் நுழைய வேண்டும் என்றும் அதுவரைக்கும் பேட்டன் தம்முடைய படையுடன் ரைன் நதிக் கரையிலேயே காத்திருக்க வேண்டும் என்றும் மாண்ட்கோமரி நிபந்தனை போட்டிருந்தார். 
ஆனால் பேட்டன் அதையெல்லாம் காதிலேயே போட்டுக் கொள்ள வில்லை. 
"போடாங்க்க.....", என்று யாருக்காகவும் காத்திராமல் ரைன் நதியைக் கடந்துவிட்டார். 


ஜெர்மானியர்களுக்கு ரைன் நதி ஒரு புனித நதி. 
அந்த நதியைக் கடந்த பேட்டன் முதலில் ஒரு காரியத்தைச் செய்தார்.
தம்முடைய டிரவுசர் பட்டன்களைக் கழற்றி விட்டு ரைன் நதிக்கரையில் நின்றுகொண்டு அந்த நதிக்குள் சிறுநீர் கழித்தார். 
அந்தவகையில் அவர் அந்தப் புனித நதியை அவமதித்து, அதன்மூலம் 
ஜெர்மானியர்களையும் அவமதித்தார்.
அதையே ·போட்டோப் படமாகவும் எடுப்பதற்குப் போஸ் கொடுத்தார்.
அந்தப் படத்தை இங்கே காணலாம் - 

மாண்ட்கோமரிக்குக் கடுங்கோபம். 
பேட்டன் ரைன் நதிக்குள் சிறுநீர் கழித்ததால் அல்ல. 
தமக்கு முன்னால் பேட்டன் செய்துவிட்டாரே என்பதால். 
ஜெர்மனியில் நடந்த போரில் வேறு எந்தப் படையையும்விட பேட்டனின் மூன்றாம் படை மிக அதிகமான பரப்புள்ள பிரதேசங்களைக் கைப்பற்றி, மிக அதிகமான ஜெர்மன் போர்க் கைதிகளையும் பெற்றது. போர்த் திட்டப்படி அவர் கைப்பற்றவேண்டிய இடங்களையும் தாண்டிச் சென்று ரஷ்யர்கள் கைப்பற்றவேண்டிய பிரதேசத்துக்குள்ளும் சென்றுவிட்டார். 


ஆனால் இவ்வளவு இருந்தும் போரின் முடிவில் அவரை மிகவும் கேவலப் படுத்திவிட்டார்கள். மாண்ட்கோமரியும் பீடல் ஸ்மித் என்னும் அமெரிக்கத் தளபதியும்தான் காரணம். 
கடைசியில் பேட்டன் மனம் உடைந்துபோனார்.
விரைவில் இறந்தும் விட்டார். 
ஆனால் மாண்ட்கோமரிக்கு பிரிட்டிஷ்காரர்கள் சிறப்பு ·பீல்ட்மார்ஷல் பட்டமும் கொடுத்து அவரை ஓர் 'எர்ல்' எனப்படும் பிரபுத்துவத்தைக் கொடுத்து கௌரவித்தார்கள்.

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$